Skip to main content
Protected by Copyscape

Unë jam Kirurg!



Shkruan: Isa Haxhiu

Unë jam një Kirurg !

Unë jam një kirurg , që kam bërë mbi 26 vite mësim e studime ,që kam privuar rininë time dhe s e kam jetuar atë , me dëshirën dhe vullnetin tim , për të mbrojtur jetën tënde , atëherë kur ajo të është rrezikuar më së rëndi dhe varet në një fije peri ;

Unë jam një kirurg dhe jam në mbrojtje të jetës tënde që nga mëngjesi deri në mbrëmje; që nga e hëna deri në të dielen; që nga janari deri në dhjetor;

Unë jam një kirug , në mbrojtje të jetës tënde edhe atëherë kur të gjithë kanë çuar duart nga ti, ndërsa unë jam i fundit që me duart e mia bëjë çudira, ia rrëmbejë jetën , vdekjes nga kthetrat e saj dhe ua kthejë përsëri nënave , baballarëve , motrave e vëllezërve, të cilët atëherë më shohin si Zot;

Unë jam një kirurg, me dëshirën time të çmendur , për të bërë të pamundurën, për të të shpëtuar Ty, edhe atëherë kur s ka çka të shpëtohet, por që shkoj në luftë me vdekjen pa pyetur se sa të rënda dhe të pamëshirshme janë kthetrat e saj dhe që kthehem kokëunjur e i dëshpëruar kur vdekja më mund, ndonëse i vetëdijshëm për kufizimet e mia njerëzore;

Unë jam një kirurg , të cilin t i e shanë dhe e përbuzë , atëherë kur nuk mund të kalojë kufizimet e mia njerëzore, pra atëherë kur unë jam vetëm njeri dhe nuk mund të  shndërrohem në një Perëndi, ndonëse mundohem si një Ante dhe shkoj e kacafytem për vdekje me zotin e vdekjes, me shpresën se do të të kthejë jetën e më të dashurit tend;

Unë jam një kirurg i cili do pëprpëlitem me netë të tëra në shtrat, i pushtuar nga dilema se a kam mundur të bëjë diçka më shumë , më mirë dhe më të "perëndishme" dhe veç kur arrijë të shterroj përgjigjet e të gjitha këtyre dilemave ,të kufizimeve të mia si njeri , filloj të kthehem në binarët e jetës, i vetëdijshëm për mundësitë e mia të kufizuara , por që nuk do resht së kërkuari , mundësinë e perëndishme për t ia rrëmbyer jetën, vdekjes me çfarëdo çmimi , me shpresën se do t i tejkalojë këto kufizime , për të të dhënë të pamundurën, Ty ;

Unë jam një kirurg që punoj 14-të deri 16-të orë në ditë dhe që s di të ankohem asnjëherë, qoftë edhe atëherë kur kam rënë për të bërë një sy gjumë dhe pas pak me thërrasin në telefon , për të shpëtuar jetën tënde apo të familjarëve të tu, pa as shenjën më të vogël të përtesës, i vetëdijshëm se po bëj gjënë më të bukur e më të çmuar, që mund të bëjë një qenie njerëzore, po shkoj për t i rrëmbyer jetën , vdekjes;

Unë jam një kirurg dhe rrallë arrijë të takojë familjen time , prindërit, gruan e fëmijtë e mi, që zgjohem në 6-të të mëngjesit dhe kthehem aty nga ora 22,00 e mbrëmjes, sepse shoqëria e ka pare “ të arsyeshme “, t më paguaj vetëm 549 euro pagë, ndaj detyrohem të punoj edhe pasdite , edhe natën deri vonë dhe kur kthehem në shtëpi të gjithë i ka zënë gjumi , ndërsa unë mezi arrijë të ha racionin tim të darkës, pa pasur mundësi të ndërroj një bisedë me prindërit, gruan e fëmijtë, pa kuptuar se çfarë kanë bërë ata gjatë mungesës sime dhe cilat janë nevojat e tyre për të nesërmen;

Unë jam një kiurg me profesion, por , para së gjithash jam një njeri, me nevojat dhe dëshirat e mia si të gjithë njerëzve të tjerë: të kem një orar të caktuar, të vijë në shtëpi të çlodhem e të çmallem me të afërmit e mi, të lexoj diçka, të dëgjoj pak muzikë, të shoh ndonjë film apo të shkoj edhe në teatër, por që për fat të keq timin, këto gjëra i “shijoj” vetëm në ëndrrat e mia, pra i shoh me sy hapur, por që s mund t i jetësoj në jetë, sepse paga ime publike , s arrinë të mbulojë as nevojat e mia më elementare;

Unë jam një kirurg që po i vuaj mundimet e një Sizifi të kohës moderne, i cili bartë mbi shpinë gurin e dhembjes e të mundimit, pa shpresën më të vogël se do të kem mirëkuptimin tend që t ma heqësh këtë barrë , por i vetëdijshëm se vetëm lëkundja e shpatullave të mia dhe rrokullisja në theqafje e këtij guri , është shpëtimi im

Pra, unë jam një kirurg , por jam dhe një njeri dhe si i tillë i jam futur grevës për të realizuar të drejtën time, të jetoj si njeri !

Isa Haxhiu,
loading...

Lexo edhe:

Postimet e fundit

Postime e popullarizuara gjatë një jave

Dr.Hamëz Berisha: Mandej po thojnë rrini në Kosovë!!!!!!!

Kjo është familja e ministrit Uran Ismaili

Alarmante: 2 mjekë Emergjentë dhe një Kirurg braktisin Spitalin Rajonal të Mitrovicës

Seksologu kosovar flet për vdekjet e të moshuarve në motele

Terapia 3D po vazhdon në Qendrat e Mjekësisë Familjare dhe Urgjencë

Sukseset e një doktori shqiptar: Astma, shkaktarët, simptomat dhe trajtimi i sëmundjes!

Ja kush është trupi i të vdekurit i cili po qëndron në QKUK që 8 ditë

Sulmohet me eksploziv QMKF-ja në Pejë, tronditen mjekët

Dr.Gazmend Bojaj në mesin e 100 mjekëve më të mirë të familjes në botë

Më mirë këtu atje? Flet mjeku kosovar, i cili qe 10 vjet punon në Gjermani

Postime e popullarizuara gjatë një muaji

Alarmante: 2 mjekë Emergjentë dhe një Kirurg braktisin Spitalin Rajonal të Mitrovicës

Kirurgët vazhdojnë t'a braktisin QKUK-në - kësaj here dy përnjëherë

Dalin pagat e dhjetorit, tronditen mësuesit, mjekët e policët

Dr.Hamëz Berisha: Mandej po thojnë rrini në Kosovë!!!!!!!

Ja çka po bëjnë pacientët me Urgjencën dhe Emergjencën!

Kjo është familja e ministrit Uran Ismaili

Të vërtetat e tmerrshme të specializimit në QKUK-Prishtinë

Nga 1 janari paga më të larta për 10 për qind në arsim dhe shkencë

2019: Katër mjekë të njohur e lanë QKUK-në për shkak të problemeve menaxheriale

Kushtetuesja mund të kërkojë amandamentimin e Ligjit për Paga

Postime e popullarizuara që nga fillimi

6 arsye për të mos studiuar Mjekësinë

Të vërtetat e tmerrshme të specializimit në QKUK-Prishtinë

Gabimi i mjekut të përgjithshëm dhe familjar rreth kolikës abdominale dhe kolikës renale

Skandaloze: Në Emergjencën e QKUK-së hapen raporte për kontrollë pa udhëzimin e mjekut

Studim: Vitamina C në doza të larta shkatërron tërësisht kancerin

Pagat vjetore të Presidentit, Kryeministrit, Kirurgut, Gjyqtarëve dhe Prokurorëve në vendet e ndryshme të botës

Ja deklarata bombastike e Profesorit Afrim Blyta

Dr. Leonard Bytyçi reagon ndaj postimit të Adriatik Kelmendit

Klinika ku punojnë 7 shqiptarë të Kosovës, ndër 10 klinikat më të mira në Gjermani për trajtimin e infarktit trunor

Sjelljet e pacientëve në të shtetit dhe në privat