Skip to main content
Protected by Copyscape

Mediat "peshkojnë" vetëm shembujt negativë për Mjekët

Dr. Arjana Rreli
Për ti shkruar këto rrjeshta më nxiti një postim i bërë dje ku disa mjekë kinezë kishin operuar për 32 orë me rradhë një pacient që kishte një aneurizëm dhe një tumor në kokë. Në foto ato shfaqen të shtrirë në dysheme të lodhur, por besoj edhe të gëzuar që ia dolën.
Raporti i mjekëve me popullin, jo thjesht me pacientët, ka ndryshuar në dekadat e fundit. Mjekët bëjnë një rrugë të gjatë, plot sakrifica për të qenë në gjendje që tu shërbejnë njerëzve. Mjekët janë shndërruar shpesh herë në objekte sulmesh nga qytetarë (pacientë ose familjarë), të zhgënjyer, të mllefosur, të irrituar herë me arsye dhe herë pa kurrëfarë arsye.
Ndonjëherë të krijohet përshtypja se komercializimi i mjekësisë i zhveshi mjekët nga humanizmi, kurse qytetarët i bëri më mosbesues ndaj tyre. Më kanë rënë rasti të dëgjoj njerëz nëpër korridore që shajnë ose që thonë “hë mo se kështu e duan këta”, duke justifikuar agresivitetin e tyre. Nuk e besoj që ka qenë me vend kjo sjellje në shumicën e rasteve.

Shkruan:Dr. Arjana Rreli
Mjekët në shumicën e rasteve janë korrekt, me etikë, të përkushtuar dhe të papërtuar, por ka edhe raste kur abuzohet me nevojën për shërbim të tyre, sidmos këtu te ne që nuk respektohen rregullat, triazhimi, standartet e kujdesit, sistemi i referencës, etj. Unë nuk them që në këtë komunitet nuk ka prej atyre që janë jokorrekt, të udhëhequr nga nevoja për përfitime, të papërgjegjshëm apo që nuk kanë takt dhe shkathtësi komunikative, por ata janë pakicë brenda këtij komuniteti.
Unë do të doja që njerëzit ti shikojnë më me realizëm mjekët, përtej bluzës së tyre edhe si njerëz.
Duke i parë kështu mund ti mirëkuptojmë dhe respektojmë, mund ti lehtësojmë stresin dhe ti fuqizojmë.
Mjekët shpesh herë ndihen të pafuqishëm ndaj humbjes së të afërmve të tyre apo edhe të pacientëve. Ata përballen me nivele të larta stresi dhe me kohë të pakët rikuperimi. Ata flenë dhe shplodhen më pak, janë në punë me dhe pa orar, luftojnë me frikërat ekzistenciale. Ata duan të fitojnë gjithmonë mbi sëmundjen, por shpesh herë nuk ia dalin. Suksesin ia duan të gjithë, në dështim nuk ia zgjat dorën askush.
Ata në sytë e të tjerëve duken gjakftohtë dhe të plotfuqishëm, por në fakt janë të brishtë (vuajnë më shumë se popullata e përgjithshme nga problemet mendore, tentojnë më shpesh vetëvrasjen, abuzojnë me substancat shumë herë më tepër se popullata e përgjithshme). Ata kanë nevojë për inkurajim dhe për mbështetje, në vend të sharjeve, ofendimeve, hakërrimeve, refuzimit.
Sot, mjekët pakësohen, ikin për kushte më të mira pune gjetkë, zgjedhin një profesion që nuk punojnë direkt me pacientë, pensionohen, shkollohen të rinj gjithmonë e më pak dhe sa herë që ata mungojnë njerëzit e kuptojnë sa të rëndësishëm ishin. Mjekësia nuk është profesion i kërkuar sot në vendet e zhvilluara si dikur.
Ata që mbesin kanë gjithmonë e më shumë ngarkesë, më shumë mundësi për gabime, stres dhe lodhje.
Shumë shpesh media (por jo vetëm ajo) nxjerr apo peshkon shembujt negativë, por ka pak hapësirë për mrekullitë që mjekët bëjnë, për humanizmin apo vetëmohimin, për shembujt pozitivë. Perceptimi nga mediat bëhet bashkë me paragjykimet dhe përvojat e këqia, duke i kontribuar një imazhi të shtrembëruar për mjekët dhe jo realist. Ne kemi afinitet për të keqen si miza ndaj mjaltit. Ajo ngjit shpejt dhe zë vend. Askush nuk mendon pasojat.
Mjekëve iu duhet shpesh të punojnë me burime të pakta, të cilat e vështirësojnë misionin e tyre, ata kanë gjithmonë më pak pajisje, mjete, barna në dispozicion, por ia dalin me ato që munden. Ata nuk ngrihen të fajësojnë të tjerët.
Unë mendoj se mjekët mund të bëhen më të mirë, më humanë, nëse të gjithë ndryshojnë qasjen ndaj tyre. Ata meritojnë respekt, ashtu si duhen ndëshkuar kur neglizhojnë apo kur abuzojnë me profesionin e tyre.
Mjekët janë si të gjitha gjërat e kësaj bote, nga më i keqi prit të jetë më shumë se hiçi dhe nga më i miri mos prit kurrë të jetë i përsosur.
Duke shkruar këto fjalë doja që mjekët ti shihnit nga këndi i tyre, jo nga tuaji dhe do të kuptonit se edhe ata janë “pacientë” që kanë nevojë për mirënjohje, mirkëkuptim dhe mbështetje. I gjykoni ashtu si janë, jo ashtu si ju duken ju.
Respekt për të gjithë ata që bëjnë këtë profesion


Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon Gazetën Shëndeti dhe kritikën tonë. Ndihmoje Gazetën Shëndeti - Mbështete median e pavarur kombëtare. Bëni donacion ose klikoni në reklama sepse me këtë mundësoni që kjo Gazetë të qëndroj online.


Reklama
loading...
Lexo edhe:

Postime e popullarizuara gjatë një jave

Të vërtetat e tmerrshme të specializimit në QKUK-Prishtinë

Skandaloze: Injeksionet dhe infuzionet që shkruhen në Ordinanca private po administrohen në ambulanta shtetërore

Ja kush ishte Kirurgu i parë shqiptar në Kosovë

Sjelljet e pacientëve në të shtetit dhe në privat

Të jesh mjek, mësues, profesor, gjykatës, inxhinier në Kosovën tonë!!!

Sërish specializantët ankohen se nuk janë paguar

Kirurgu shqiptar zbulon instrumentin e veçantë i cili do të përdoret në tërë botën

Onkologu Ilir Kurtishi shkruan rreth kancerit të gjirit

Pacientët po shkojnë në Mjekësi Familjare jo për kontrollë por për Diklofen, Dexason dhe Diazepam

Ja sa orë duhet të presin pacientët mjekun në vendet tjera në botë

Postime e popullarizuara gjatë një muaji

Të vërtetat e tmerrshme të specializimit në QKUK-Prishtinë

Ja deklarata bombastike e Profesorit Afrim Blyta

Pacientët po shkojnë në Mjekësi Familjare jo për kontrollë por për Diklofen, Dexason dhe Diazepam

Ja kush ishte Kirurgu i parë shqiptar në Kosovë

Mungesë e madhe e Specializantëve në QKUK

Kirurgu shqiptar ndër 100 Kirurgët më të mirë të botës

Ja sa orë duhet të presin pacientët mjekun në vendet tjera në botë

Sjelljet e pacientëve në të shtetit dhe në privat

Onkologu Ilir Kurtishi shkruan rreth kancerit të gjirit

Dhënie enorme e injeksioneve dhe infuzioneve në Qendra të Mjekësisë Familjare

Postime e popullarizuara që nga fillimi

6 arsye për të mos studiuar Mjekësinë

Të vërtetat e tmerrshme të specializimit në QKUK-Prishtinë

Gabimi i mjekut të përgjithshëm dhe familjar rreth kolikës abdominale dhe kolikës renale

Skandaloze: Në Emergjencën e QKUK-së hapen raporte për kontrollë pa udhëzimin e mjekut

Studim: Vitamina C në doza të larta shkatërron tërësisht kancerin

Pagat vjetore të Presidentit, Kryeministrit, Kirurgut, Gjyqtarëve dhe Prokurorëve në vendet e ndryshme të botës

Dr. Leonard Bytyçi reagon ndaj postimit të Adriatik Kelmendit

Ja deklarata bombastike e Profesorit Afrim Blyta

Klinika ku punojnë 7 shqiptarë të Kosovës, ndër 10 klinikat më të mira në Gjermani për trajtimin e infarktit trunor

Ja kush ishte Kirurgu i parë shqiptar në Kosovë