Skip to main content
Protected by Copyscape

Edhe Rumanisë po i ikin mjekët




Mijëra mjekë dhe infermierë janë larguar nga Rumania dekadën e kaluar, gjë kjo që ka çuar në mungesa të theksuara të stafit brenda vendit.
Gabriela Dumitru 65 vjeç, duhej të dilte në pension vite më parë, por në vend të kësaj ajo po punon me orë të zgjatura në repartin e neonatologjisë në Slobozia, një qytet që ndodhet rreth dy orë larg me makinë nga Bukureshti, shkruan “The Guardian”.
Znj. Dumitru punon pa ndalim turn pas turni, duke i lejuar vetes të flejë vetëm një orë në një prej kolltukëve që ndodhen në një dhomë të vogël të këtij spitali të zbukuruar me foto kotele macesh. Një prej kolegeve është një tjetër mjeke 75-vjeçare, e cila ka dalë zyrtarisht në pension rreth 15 vite më parë, transmeton ‘monitor’.
Midis tyre, ato bëjnë punën e katër ose pesë mjekëve, duke mundësuar lindjen e rreth 1,200 bebeve në vit dhe duke u kujdesur për të gjitha ato gra që kanë pasur vështirësi në lindje. Reparti i neonatologjisë në Slobozia është një dritare e vogël që pasqyron një krizë më të madhe në Rumani, vendi ku mijëra mjekë dhe infermierë kanë emigruar për një jetë më të mirë në Evropën Perëndimore në dekadën e fundit, përcjell albinfo.ch.
Nga ana tjetër, kriza e mjekëve në Rumani është një pjesë e vogël e flukseve të mëdha të njerëzve nga vendet e Evropës Qendrore dhe Lindore drejt atyre Perëndimore që nga momenti kur ata fituan anëtarësimin në BE. Në të gjithë rajonin, qeveritë po përpiqen të përballen me pasojat e rrjedhjes së trurit, sidomos të largimit të shumë prej të rinjve më të talentuar të tyre.
Në një sondazh të kohëve të fundit, më shumë se 50% e rumunëve u shprehën se ishin të shqetësuar për pasojat e emigracionit, që ka njëkohësisht edhe të dhënat më të larta në mesin e të gjitha vendeve të studiuara. Rreth 3.4 milionë rumunë u larguan nga vendi në dekadën e parë pas pranimit të Rumanisë në BE, sipas një studimi të liderëve rumunë të biznesit. Ndërsa sipas Ministrisë së Shëndetësisë, rreth 43,000 mjekë u larguan nga Rumania po gjatë së njëjtës periudhë.
Sipas një studimi tjetër të kryer nga një agjenci me seli në Shtetet e Bashkuara të Amerikës, parashikohet që popullsia e Rumanisë të tkurret me 22% deri në vitin 2050, rënia më e madhe e planifikuar në nivel global. Faktorët kryesorë që kanë çuar në këtë parashikim ka qenë niveli i lartë i emigrimit dhe vdekshmërisë dhe niveli i ulët i lindjeve. Fatkeqësisht edhe Bullgaria fqinje ka po të njëjtin parashikim shqetësues. Sipas statistikave më të fundit të Ministrisë së Shëndetësisë, në qarkun e Ialomiţat, ku Slobozia është kryeqyteti, rreth 44% e të gjitha pozicioneve për mjekët janë të lira. Në të gjithë vendin, shifra shkon në 26%, që do të thotë se vendi po paguan për të trajnuar mjekët e rinj të cilët pastaj largohen.
Në Slobozia, pritej ardhja e një mjekeje të re, e cila do t’i bashkohej repartit të neonatologjisë nëntorin e kaluar, pasi spitali kishte financuar një trajnim përgatitor të saj në një spital të Bukureshtit, por ajo menjëherë pas përfundimit të trajnimit thjesht u zhduk, tha z. Dumitru. Dhe kjo nuk është hera e parë që kjo gjë ndodh në raportin e neonatologjisë në Slobozia. Raed Arafat, sekretari i Shtetit i Rumanisë për Situata Emergjente dhe vetë mjek me profesion në Departamentin e Emergjencës në qytetin e Târgu Mureș, tha se vala e parë e emigrimit erdhi shumë më përpara se Rumania të bashkohej me BE-në, në vitin 2007, ku shumë infermierë filluan të emigronin në Itali.
“Në atë kohë, ne humbëm të gjithë kontingjentin tonë të infermierëve në Târgu-Mureș në vetëm dy vjet dhe pastaj, pasi ne trajnuam një numër infermieresh të reja, humbëm edhe gjysmën e tyre”, tha më tej z. Arafat. Kur kriza financiare e 2008-s e goditi edhe atë si shumë vende të tjera, situata u përkeqësua.
“Ne kemi humbur mjekët që menduam se nuk do të largoheshin kurrë, pasi ata ishin mjekët tanë më të kualifikuar. Ndikimi i tij ishte i madh dhe i parikuperueshëm”, tha z. Arafat. Ai shtoi se vendi po vuante nga mungesa e madhe e mjekëve të emergjencës dhe anestezistëve.
Hyrja në BE, u ofroi mundësi të shumta rumunëve të rinj dhe të talentuar për të udhëtuar, për të studiuar dhe për të punuar në Europën Perëndimore, pasi aty puna e tyre vlerësohej më shumë nga ana monetare.
Janë mbi dhjetëra fluturime në ditë nga aeroportet e Rumanisë drejt Londrës, Parisit dhe Romës. Në një përpjekje për të frenuar rrjedhën e profesionistëve të fushës së mjekësisë, qeveria dyfishoi vitin e kaluar pagat në këtë sektor. Lufta për të mbajtur në vend njerëzit më të aftë është e vështirë, veçanërisht në provinca të Rumanisë, ku potenciali ekonomik është më i kufizuar.


Gazetaria jonë mbetet e pandikuar nga politikanët e nga milionerët e korruptuar. Askush nuk e kontrollon Gazetën Shëndeti dhe kritikën tonë. Ndihmoje Gazetën Shëndeti - Mbështete median e pavarur kombëtare. Bëni donacion ose klikoni në reklama sepse me këtë mundësoni që kjo Gazetë të qëndroj online.


Reklama
loading...
Lexo edhe:

Postime e popullarizuara gjatë një jave

Të vërtetat e tmerrshme të specializimit në QKUK-Prishtinë

Sjelljet e pacientëve në të shtetit dhe në privat

Profesionet më të ndërlikuara dhe më të vështira në botë

Mjekja që la vendin për Gjermaninë, tregon për kushtet e punës dhe sa paguhet ajo

Edhe një Kirurg i suksesshëm në Gjermani

Mesazhi i mjekut milioner që vdiq nga kanceri: Paratë nuk sjellin gëzim…

17 orë pa ndërprerje! Kardiokirurgu shqiptar realizon operacion të rrallë në Londër

Sot më shumë çmohen botoxet e analfabetët sesa të bësh 30 vite shkollim

Doktori nga Lipjani ftohet nga Gjykata Speciale

Zvicër: 1 në 10 pacientë, të dëmtuar nga trajtimi mjekësor

Postime e popullarizuara gjatë një muaji

Të vërtetat e tmerrshme të specializimit në QKUK-Prishtinë

Kurti paralajmëron mjekët : O privat o në të shtetit

Sot më shumë çmohen botoxet e analfabetët sesa të bësh 30 vite shkollim

Sjelljet e pacientëve në të shtetit dhe në privat

Specialisti i Reumatologjisë që ka diplomuar dy herë në Mjekësi

Sulmi qyqar ndaj Dr.Sefedin Fazliut i cili është një doktor shembullor

Ja çka do të ndodh nëse nuk fillon zbatimi i ligjit për paga

Ja nga cili muaj do të zbatohet ligji për paga në sektorin publik

Kush do të pësojë nga Ligji për pagat

Tejrritje e kërkesave së mjekëve dhe infermiereve për të ikur nga Kosova

Postime e popullarizuara që nga fillimi

6 arsye për të mos studiuar Mjekësinë

Të vërtetat e tmerrshme të specializimit në QKUK-Prishtinë

Gabimi i mjekut të përgjithshëm dhe familjar rreth kolikës abdominale dhe kolikës renale

Skandaloze: Në Emergjencën e QKUK-së hapen raporte për kontrollë pa udhëzimin e mjekut

Studim: Vitamina C në doza të larta shkatërron tërësisht kancerin

Pagat vjetore të Presidentit, Kryeministrit, Kirurgut, Gjyqtarëve dhe Prokurorëve në vendet e ndryshme të botës

Ja deklarata bombastike e Profesorit Afrim Blyta

Dr. Leonard Bytyçi reagon ndaj postimit të Adriatik Kelmendit

Klinika ku punojnë 7 shqiptarë të Kosovës, ndër 10 klinikat më të mira në Gjermani për trajtimin e infarktit trunor

Sjelljet e pacientëve në të shtetit dhe në privat