Skip to main content
Protected by Copyscape

Më mirë këtu atje? Flet mjeku kosovar, i cili qe 10 vjet punon në Gjermani


Më mirë këtu atje? Flet mjeku kosovar, i cili qe 10 vjet punon në Gjermani


Qe 10 vjet mjeku kosovar Milot Rama ka shkuar në shtetin gjerman, në të cilin ka gjetur punë në disa nga klinikat më prestigjioze. Mënyra se si funksiononin gjërat në vend e kishin shtyrë që në moshën 25-vjeçare ta lëshonte Kosovën, pavarësisht dëshirës së madhe për të punuar këtu, shkruan gazeta "Zeri".

Me entuziazmin më të madh kishte kryer Fakultetin e Mjekësisë në Prishtinë dhe shpresonte ta jepte kontributin e tij në njërën nga institucionet publike shëndetësore në vend, por shumë shpejt u zhgënjye me mënyrën se si funksionin gjërat në Kosovë.

Mjeku i njohur kosovar Milot Rama, pavarësisht dëshirës së madhe që kontributin e tij ta jepte në Kosovë, në vitin 2009 kur ishte 25-vjeçar i vetëm kishte marrë rrugën për në Gjermani, shkruan tutje "Zeri".

Ai ka treguar se në atë kohë në Kosovë punësimi bëhej në baza të nepotizmit e të përkatësisë partiake, andaj sikurse edhe shumë mjekë të tjerë, ai atëherë konsideronte se zgjedhje e vetme ishte emigrimi.

“Me kalimin e viteve për çdo ditë isha shumë i zhgënjyer. Duhej të konstatoja se politika po instalon një sistem totalisht të çrregulluar të vlerave, që po krijohej një shoqëri primitive me mentalitet bajraktaresk e politizuar deri në pafundësi. Secili student në Fakultetin e Mjekësisë e dinte që stafi akademik dhe ai mjekësor përzgjidhej mbi baza të përkatësisë partiake ose mbi atë familjare. Ishte vërtet sistem i neveritshëm, i cili shuante çdo ambicie dhe çdo shpresë”, ka rrëfyer ai.

Edhe pse nuk e kishte pasur të lehtë adaptimin në shtetin gjerman, Rama ka arritur të punësohet në një nga klinikat më prestigjioze. Ndonëse puna e tij ka qenë shumë sfiduese, ai ka pasur privilegjin të trajtojë pacientë me patologji shumë komplekse, shumica e tyre me zemra artificiale ose me zemra e mushkëri të transplantuara. “Momentalisht punoj në një stacion të kujdesit intensiv në Gjermaninë Veriore. Karrierën e fillova në Gjermaninë Lindore, për ta vazhduar në një klinikë prestigjioze në Berlin, ku punova mbi 3 vjet. Adaptimi ka qenë jo i lehtë edhe pse unë edhe si fëmijë kisha jetuar në Gjermani dhe shoqërinë gjermane e njihja. Tash që fillova në një klinikë në Dessau, qytet me 100.000 banorë, fillimi ishte i vështirë. Pastaj vazhdova në njërën nga klinikat më prestigjioze gjermane në Berlin”, ka treguar ai.

Mjekët kosovarë trajtohen më dinjitetshëm në Gjermani sesa në Kosovë

Pavarësisht se punojnë në vende të huaja, punëtorët shëndetësorë nga Kosova trajtohen mirë atje. Rama ka thënë se trajtimi i tyre është më i dinjitetshëm në Gjermani sesa në Kosovë. “Për të thënë sinqerisht, trajtimi i mjekëve nga Kosova është më i dinjitetshëm këtu se në Kosovë. Askush nuk e lëshon kot së koti atdheun e tij për të filluar nga zeroja në një shoqëri të huaj”, ka theksuar ai.
Ai është shprehur i zhgënjyer me sistemin edukativo-mjekësor në Kosovë. Ai ka thënë se ndien keqardhje që shumë pedagogëve e mjekëve të zellshëm që edhe në kushte jo të mira kanë dhënë maksimumin e tyre, asnjëherë nuk u është dhënë e drejta ta drejtojnë ndonjë institucion në vend. “Nëse e shikoni radhitjen e Kosovës në listën e PISA-s, mund ta përktheni edhe radhitjen e shëndetësisë kosovare me nivel ndërkombëtar. Sistemi edukativo-mjekësor shkojnë përherë paralel. Mjekët dhe infermierët janë produkt i atyre shkollave. Një sistem arsimor i degraduar deri në pafundësi nuk mund të prodhojë kuadro cilësore. Ndiej keqardhje për shumë pedagogë dhe mjekë tejet të zellshëm, që edhe me ato kushte të dobëta dhanë maksimumin për avancimin e proceseve”, ka thënë ai.

Vetëm ndryshimi do t’i kthente mjekët në Kosovë

Vit pas viti shohim numër të madh të punëtorëve shëndetësorë, të cilët lëshojnë Kosovën për të gjetur punë në shtete të tjera, kryesisht në Gjermani. Duke u bazuar në gjendjen momentale në Kosovë, Rama ka thënë se askush nuk duhet të presë që stafi i kualifikuar mjekësor të qëndrojë në vend. “Natyrisht mendoj se është përgjegjësi morale imja dhe e çdo mjeku të kontribuojë në vendin që e ka shkolluar e në shoqërinë që ka investuar në të. Mirëpo po e them prapë, me këtë sistem të çoroditur të vlerave në këto 20 vjetët e fundit askush nuk mund të presë që stafi i kualifikuar të mbetet në Kosovë”, ka thënë ai.

Ai ka treguar se nëse do të ketë ndryshime në vend, atëherë edhe ai do të kthehej dhe do ta jepte kontributin e tij në Kosovë. “Nëse ka indikator për ndryshim, patjetër. Populli i Kosovës votoi për ndryshim. Ta shohim si po zhvillohen gjërat. Për kandidatin për kryeministër kam mendim shumë pozitiv. Ai edhe sa ishte në opozitë mundonte të krijonte një komunitet funksional të kosovarëve në Berlin”, ka shtuar ai.
loading...

Lexo edhe:

Postimet e fundit

Postime e popullarizuara gjatë një jave

Në QKMF-në e Gjakovës mund të shihni gjithçka madje edhe gjoks të ekspozuar

Dr.Arbër Kutllovci reagon për sulmin ndaj mjekut specializant Dr.Endrit Shala

Drejtori i QKMF-së së Lipjanit, e tregon të vërtetën e videos, ku një e moshuar priste për ndihmë mjekësore

Sjelljet e pacientëve në të shtetit dhe në privat

Doktorët që braktisën vendin, të kënaqur me kushtet në Gjermani

Dr.Leonard Bytyçi demanton shkrimet kundër Kardiokirurgjisë

Mjekët tanë janë të mirë: Nuk ka dallim mes sektorit Publik dhe atij Privat në Shëndetësi

A i kanë fajet mjekët që nuk po bëhet koalicioni VV-LDK?

Kjo është familja e ministrit Uran Ismaili

Ja kush është trupi i të vdekurit i cili po qëndron në QKUK që 8 ditë

Postime e popullarizuara gjatë një muaji

Në QKMF-në e Gjakovës mund të shihni gjithçka madje edhe gjoks të ekspozuar

Alarmante: 2 mjekë Emergjentë dhe një Kirurg braktisin Spitalin Rajonal të Mitrovicës

Kirurgët vazhdojnë t'a braktisin QKUK-në - kësaj here dy përnjëherë

Dalin pagat e dhjetorit, tronditen mësuesit, mjekët e policët

Dr.Hamëz Berisha: Mandej po thojnë rrini në Kosovë!!!!!!!

Dr.Arbër Kutllovci reagon për sulmin ndaj mjekut specializant Dr.Endrit Shala

Kjo është familja e ministrit Uran Ismaili

Drejtori i QKMF-së së Lipjanit, e tregon të vërtetën e videos, ku një e moshuar priste për ndihmë mjekësore

Sjelljet e pacientëve në të shtetit dhe në privat

Doktorët që braktisën vendin, të kënaqur me kushtet në Gjermani

Postime e popullarizuara që nga fillimi

6 arsye për të mos studiuar Mjekësinë

Të vërtetat e tmerrshme të specializimit në QKUK-Prishtinë

Gabimi i mjekut të përgjithshëm dhe familjar rreth kolikës abdominale dhe kolikës renale

Skandaloze: Në Emergjencën e QKUK-së hapen raporte për kontrollë pa udhëzimin e mjekut

Studim: Vitamina C në doza të larta shkatërron tërësisht kancerin

Pagat vjetore të Presidentit, Kryeministrit, Kirurgut, Gjyqtarëve dhe Prokurorëve në vendet e ndryshme të botës

Ja deklarata bombastike e Profesorit Afrim Blyta

Sjelljet e pacientëve në të shtetit dhe në privat

Dr. Leonard Bytyçi reagon ndaj postimit të Adriatik Kelmendit

Klinika ku punojnë 7 shqiptarë të Kosovës, ndër 10 klinikat më të mira në Gjermani për trajtimin e infarktit trunor